பாரம்பரிய சமையல்

 பரோட்டா கறி சால்னா தேவையான பொருட்கள்: மட்டன் கறி -- 1/4 கிலோ தக்காளி-- 200 கிராம் சின்ன வெங்காயம்--100 கிராம் தேங்காய்--1 / 2 மூடி வற்றல் --8 சீரகம்--2 தேக்கரண்டி எண்ணை--4 தேக்கரண்டி உப்பு, மஞ்சள்-- தேவைக்கேற்ப கொத்தமல்லி இலை--சிறிது செய்முறை: தேங்காயை நன்றாக அரைத்து தண்ணீர் சேர்த்து தேங்காய் பால் (1 கப்) எடுத்துக் கொள்ளவும். வெங்காயம், வற்றல், சீரகம் சேர்த்து மசாலா அரைத்துக் கொள்ளவும். குக்கரில் எண்ணை விட்டு, சிறிது காய்ந்ததும், சிறு துண்டுகளாக வெட்டி வைத்திருக்கும் தக்காளியை சேர்த்து வதக்கவும். அரைத்த மசாலாவையும் சேர்த்து நன்றாக சிவக்க வதக்கவும். கறியை சேர்த்து, தேங்காய்ப்பால் ஊற்றி, உப்பு, மஞ்சள் தூள் சேர்த்து, 20 நிமிடங்கள் குக்கரில் நன்றாக வேக வைக்கவும். எண்ணை தெளிந்ததும், கொத்தமல்லி இலை தூவி இறக்கவும். சுவையான கறி சால்னா தயார்.